▲ Դեպի վեր

lang.iso lang.iso lang.iso

Թորամանյանի ցուցահանդեսը՝ «Զվարթնոց»-ում

«Զվարթնոց» պատմամշակութային արգելոց-թանգարանում ս. թ. հոկտեմբերի 30-ին բացվել է անվանի Ճարտարապետ, հայ ճարտարապետության գիտական պատմության հիմնադիր Թորոս Թորամանյանի ծննդյան 150–ամյակին նվիրված ցուցահանդես: Ներկայացվել են Անիում և Հայաստանի այլ շրջաններում կատարված չափագրություններ, գիտական աշխատություններ հայ ճարտարապետության վերաբերյալ, պատմական հուշարձաններին նվիրված ուսումնասիրություններ, անվանի ճարտարապետի նամակները, Ավ. Իսահակյանի և այլոց հիշողությունները Թ. Թորամանյանի մասին, լուսանկարներ, պարբերականներ, Վիեննայի համալսարանի արվեստաբանության ամբիոնի վարիչ, պրոֆեսոր Յոզեֆ Ստրժիգովսկու «Հայերի ճարտարապետությունը և Եվրոպան» աշխատության կրկնօրինակը, ՊՈԱԿ-ի կողմից վերջին տարիներին հրատարակված Թ. Թորամանյանի արխիվային նյութերի մատենաշարի չորս պրակները: Ցուցադրվում են նաև Թ. Թորամանյանի` Անիում կատարած լուսանկարները /ընդհանուր առմամբ 70-ից ավելի նյութ/: Ցուցահանդեսը կտևի մեկ ամիս:

«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին