«Փաստինֆո»-ն գրում է.«Նուրաբաշեն» ՔԿՀ-ի մոտ հնչած կրակոցների դեպքի կապակցությամբ կատարվում են անհետաձգելի գործողություններ, դեպքի վայրի զննություններ, ճշտվում են ինչպես տուժողների, այնպես էլ՝ առերևույթ հանցագործություն կատարած անձանց ինքնությունները: Այդ մասին դեպքի վայրում լրագրողների հետ ճեպազրույցում ասաց ՀԿԳ քննության գլխավոր վարչության պետի տեղակալ Սամվել Տոնոյանը: Նա նաև նշեց, որ տարածքում առկա բոլոր տեսախցիկներն առգրավվել են և կատարվում է անհրաժեշտ քննչական գործողություններ: Ինչպես ավելի վաղ տեղեկացրել էինք, փաստի առթիվ հարուցել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 1-ին կետով և 235-րդ հոդվածի հատկանիշներով:  Նշենք, որ տեղի ունեցած փոխհրաձգության ժամանակ սպանվել են «Երրորդմասցի Լյովիկն» ու նրա մարդիկ՝ Դերոն և Մոսոն։