armtimes.com-ը գրում է. Վաղը Ալ.Սպենդիարյանի անվան օպերայի եւ բալետի ազգային ակադեմիական թատրոնում տեղի կունենա տոնական համերգ՝ նվիրված կանանց միջազգային օրվան: Համերգի հրավիրյալները լինելու են Ռիտա Սարգսյանի կողմից եւ նախատեսվում է, որ տոնական այս միջոցառման ժամանակ ելույթ է ունենալու նաեւ ռուսական էստրադայի ճանաչված երգչուհի Իրինա Ալեգրովան: Այս մասին կայքի տեղեկությունները ըստ էության հաստատեց օպերային թատրոնի փոխտնօրեն Հրաչ Գրիգորյանը՝ հավելելով, որ տոնական այդ համերգի կազմակերպիչը «Շարմ Հոլդինգ»-ն է եւ ինքը մանրամասներին տեղյակ չէ: Հարցին, թե Ալեգրովան վաղվա այդ համերգին ելույթ ունենալո՞ւ է, թե ոչ, փոխտնօրենն ասաց, որ նման խոսակցություն լսել է:
Նշենք, որ այսօր Կարեն Դեմիրճյանի անվան մարզահամերգային համալիրում կայանալիք Իրինա Ալեգրովայի մենահամերգը չի կայացել՝ երգչուհու վատառողջ լինելու պատճառաբանությամբ:
Նյութը` սկզբնաղբյուր կայքում
