Հիշեցում Asekose.am-ի կողմից` բլոգերների ու համացանցի օգտատերերի գրառումները ներկայացվում են առանց խմբագրման:
Մեր հասարակության մի շարք պրոբլեմների հիմքը ընտանիքն է: Ինչու՞: Շատ պարզ. այսօրվա մի շարք պաշտոնյաներ ժամանակին նորմալ դաստիարակություն չեն ստացել և այսօր իրենց անդաստիարակ էությամբ որոշումներ են կայացնում կամ օրինակ են ծառայում շատերի համար:
Իրենց չեն կարողացել ժամանակին դաստիարակեն որպես ճշտախոս և արդարամիտ, հայրենասեր և մարդասեր, գրագետ և լայնախոհ մարդկանց, և հիմա մենք կրակն ենք ընկել նրանց մարդկային բավականին ցածր և ցածրարժեք դրսևորումներին` եսասիրություն, փառասիրություն, տգիտություն և այլն: Նման պաշտոնյաներին, ովքեր այսօր ճակատագրի հեգնանքով որոշումներ են ընդունում մեր կյանքը կազմակերպելու համար, արդեն ուշ է դաստիարակել: Ավելի արդյունավետ կլինի մեծ ուշադրություն դարձնենք մեր երեխաների դաստիարակությանը, որովետև մեր ապագան նրանց ձեռքերում է: