Aravot.am-ը գրում է.
«Առավոտի» հետ զրույցում «Հանուն կայուն մարդկային զարգացման» հասարակական կազմակերպության նախագահ, բնապահպան Կարինե Դանիելյանը կարծիք էր հայտնել, որ վերջերս հանրապետությունում, մասնավորապես՝ Արարատյան դաշտավայրում արձանագրվող աղեստամոքսային վարակների դեպքերը, շատ հնարավոր է, աղտոտված ջրի հետեւանք են:
Արարատյան դաշտավայրում շրջայց կատարելու ժամանակ տիկին Դանիելյանը նկատել է, որ գյուղացիները այգիները ջրում են կոյուղաջրով. «Ուր գնում էինք, ասում էին՝ ջուր չկա, մեզ ջուր չի հասնում, եւ մարդիկ ելքը գտել էին. ծակել էին կոյուղաջրի խողովակը եւ այդ կեղտաջրերով ոռոգում էին այգիները, դաշտերը: Արդյունքում մենք ստանում ենք վտանգավոր սնունդ, հստակ ասել չեմ կարող, բայց վերջերս Արարատյան դաշտավայրում որ այդքան բռնկումներ են լինում, աղեստամոքսային խնդիրներով մարդկանց տեղափոխում են հիվանդանոց, ի՞նչ գիտենք, որ պատճառը դա չէ»:
Տիկին Դանիելյանի խոսքերով՝ գյուղացու խնդիրներն առաջացել են Արարատյան դաշտավայրի արտեզյան ջրերն անխնա օգտագործելու պատճառով: Նրա խոսքերով՝ «արտեզյան ջրերը հազարամյակներով օգտագործվել են, սակայն ավազանն այսպես չի սպառվել, ինչպես որ այս վերջին 10 տարվա ընթացքում խմել են»:
Մանրամասն՝ սկզբնաղբյուր կայքում:
