Հիպերտոնիկ խնդիրներ ունեցողները այժմ պետք է առավել զգուշավոր լինեն: Գարնանը սրվում են սրտանոթային համակարգի հիվանդությունները: Ճնշման տատանումները դառնում են ավելի հաճախակի:
Այժմ հարկավոր է պարբերաբար ստուգել ճնշումը և համապատասխան միջոցներ ձեռնարկել այն կարգավորելու համար:Գարունը հատկապես վտանգավոր է իշեմիկ հիվանդություններ ունեցողների համար: Ճնշման տատանումները սրում են հիվանդությունները, մեծանում է սրտամկանի ինֆարկտ ստանալու հավանականությունը:
Aroxj.am-ը ներկայացնում է մասնագետների մի քանի խորհուրդ, թե ինչ է հարկավոր անել բարձր կամ ցածր ճնշման դեպքում՝
Ցածր ճնշման դեպքում`
Քաղցրավենիք օգտագործել, ցանկալի է ցածր յուղայնությամբ ու առանց կրեմերի
Պառկել, ոտքերը դնել բարձր տեղում,
Օգտագործել հեղուկներ, ցանկալի է, որ դրանք չլինեն քիմիական բաղադրությամբ ու կոնցենտրատներով
Բարձր ճնշման դեպքում`
Քիչ աղ օգտագործել
Ֆիզիկապես ակտիվ լինել (թեթև մարզանքը կամ արագ քայլքը ամենահեշտ ճանապարհն է)
Խուսափել սթրեսներից՝ վիճաբանություններից ու վատ տրամադրությունից
Սահմանափակել ջրի կամ այլ հեղուկների գործածումը
Հետևել քաշին /ավելորդ քաշը ճնշման համար նպաստավոր գործոն է/
Կանոնավոր օգտագործել բժշկի նշանակած դեղերը Մասնագետները այս շրջանում խորհուրդ են տալիս գտնվել բժշկի պարբերական հսկողության տակ սրացումներից ու դրա հետևանքներից խուսափելու համար: