«Նաիրիտ» գործարանի հարկադիր պարապուրդի մատնված աշխատակիցները կրկին հավաքվել են ԱԺ-ի շենքի դիմաց: Լրագրողների հետ զրույցում գործարանի մամուլի նախկին խոսնակ Անուշ Հարությունյանը հայտնել է, որ մինչ օրս վճարվել է ընդամենը 400 աշխատակցի աշխատավարձերը:
Նրա խոսքով, եթե մինչև ամսի 30-ը նաիրիտցիների չվճարված աշխատավարձերը չմարեն, իրենք կրկին կդիմեն անհնազանդության:
Նշենք, որ ԱԺ-ում այս պահին ներկայացվում է հաղորդում` «Նաիրիտ գործարան» ՓԲԸ-ի հետագա շահագործման, տեխնիկական եւ ֆինանսական կենսունակության ուսումնասիրությունների վերաբերյալ: Ուսումնասիրություններն իրականացրել են «Ջեյքոբս Քընսալթենսի» ընկերության փորձագետները եւ ամփոփվել են Համաշխարհային բանկի կողմից: