«Իսլամական պետությանը» հավատարմության երդում տված, Վրաստանի Պանկիսի կիրճ վերադարձած ԻՊ զինյալներից մեկը, ով ժամանակին պատերազմել է Սիրիայում՝ «EurAsia Daily»-ի հետ զրույցում խոսել է Կովկասում իրենց ծրագրերի մասին:
Նա հայտնել է, թե ԻՊ զինյալները Սիրիայի տարածք են անցնում Թուրքիայի սահմանով: Ավելին վերջինս ասել է, թե թուրք սահմանապահները որքան էլ նկատել են իրենց՝ չտեսնելու են տվել:
Այնուհետև զինյալն ասել է, որ ԻՊ-ն որոշել է Վրաստանի հետ բանակցություններ սկսել՝ իր զինյալների անվտանգությունն ապահովելու համար: Նա նաև նշել է, թե Վրաստանը դարձել է խալիֆայության մի մաս, որտեղ ոչ թե ահաբեկչություն կքարոզվի, այլ իսլամ:
Զինյալը հայտնել է նաև, որ իրենք նպատակ ունեն Կովկասում ազատագրել մահմեդական աշխարհի երկրները, այդ թվում՝ Ինգուշեթիան, Չեչնիան, Դաղստանը, Վրաստանը, որը նախկինում հանդիսացել է հնագույն խալիֆայության մի մասը:
Նա նաև նշել է, թե Հայաստանում ևս ժամանակի հետ իսլամ կտարածվի: