Քրեական հեղինակություն համարվող կայարանցի Թևոսիկի եղբոր` Արթուր Սաֆարյանի սպանության և Մովսես Ներսիսյանի ենթադրյալ սպանության գործով այսօրվա դատական նիստին ներկայացել էր գործից անջատված մասով մեղադրյալ Տիգրան Ասատրյանը: Նա հայտարարեց, որ ինքը ոչնչից չի խուսափում և ներկայացել է դատարան՝ թեև ծանուցումը պատշաճ կարգով չի ստացել:
Մեղադրյալը հիշեցրեց, որ նախորդ դատական նիստում ինքը պնդել է իր նախաքննական ցուցմունքները և հայտարարել, որ չի պատասխանելու դատավարության մասնակիցների հարցերին: Այդ նույն մարտավարությունը Տ.Ասատրյանը որդեգրել էր նաև այսօրվա դատական նիստում, սակայն մերթ ընդ մերթ «դրժում էր» խոստումը և հատվածաբար տալիս պատասխաններ:
Արթուր Սաֆարյանի սպանության պատվեր տալու և սպանությունը թաքցնելու համար Մովսես Ներսիսյանի սպանությունը կատարելու մեջ մեղադրվող, գործով միակ ամբաստանյալ Իսրայել Սարգսյանի գրեթե բոլոր հարցերին Տիգրան Ասատրյանը տալիս էր միևնույն պատասխանը՝ «նախաքննական ցուցմունքում ես բոլոր բացատրությունները տվել եմ»: Իսրայել Սարգսյանն իր հերթին մեղադրում էր Տիգրան Ասատրյանին այն բանի համար, որ վերջինիս տված նախաքննական ցուցմունքի հիման վրա իրեն դատում են, որ «իմ համար փոս ես փորում»:
Ի.Սարգսյանը հայտարարեց. «Մոսոն ողջ ու առողջ է, և ես դա մի օր կապացուցեմ»:
Տ.Ասատրյանը չպատասխանեց նաև Իսրայել Սարգսյանի այն հարցին, թե ինչո՞ւ է Տ.Ասատրյանը մոնտաժել հանցագործության կատարման վերաբերյալ Իսրայել Սարգսյանի խոստովանությունները պարունակող ձայնագրությունը:
Տիգրան Ասատրյանը միաժամանակ հայտնեց, որ իրեն հայտնի չէ, թե որն է Արթուր Սաֆարյանի սպանության դրդապատճառը և որը կարող էր լինել Իսրայել Սարգսյանի կողմից սպանության կազմակերպման պատճառը:
Տիգրան Ասատրյանը հայտարարեց, որ Իսրայել Սարգսյանն իր տասը տարվա ընկերն է եղել, իր ընտանիքի անդամը, շաբաթվա չորս օրը միասին էին ճաշում: Ի.Սարգսյանի հարցին, թե «մեզնից ո՞վ խախտեց սրբությունը», Տ.Ասատրյանը պատասխանեց՝ «երբ դու ձեռք բարձրացրեցիր իմ ընտանիքի ու Արթուրի ընտանիքի վրա»: Նշենք, որ Տիգրան Ասատրյանը սպանված Արթուր Սաֆարյանի ընտանիքի քավորն է: Տ.Ասատրյանը հերքեց նաև, որ իր և Արթուր Սաֆարյանի եղբոր՝ Թևոսի միջև թշնամանք է եղել՝ թեթև խռովվածություն է եղել, որն անցել է, ասաց նա: Ապա դիմելով Իսրայել Սարգսյանին՝ Տիգրան Ասատրյանը հայտարարեց՝ «ոչ ուզում եմ քեզ տեսնեմ, ոչ էլ՝ խոսեմ»: Շատ չուշացավ նաև Իսրայել Սարգսյանի պատասխանը՝ «ես դուրս գալու եմ»:
Ի դեպ, Տ.Ասատրյանի հարցաքննությունն ընթանում էր շատ լարված մթնոլորտում՝ դատարանը հայտարարեց, որ Իսրայել Սարգսյանին վերջին անգամ է նախազգուշացնում, հաջորդ անգամ կկիրառվի դատական սանկցիա՝ ընդհուպ մինչև դատարանի դահլիճից ամբաստանյալին հեռացնելը:
Հիշեցնենք, որ ըստ մեղադրանքի, Իսրայել Սարգսյանն իր ընկեր Մովսես Ներսիսյանին պատվիրել է սպանել Արթուր Սաֆարյանին, իսկ կատարելուց հետո սպանել է նաև նրան ու դին նետել Քանաքեռավանի կոյուղու դիտահորը: Չնայած որոնողական երկարատև աշխատանքներին Մովսես Ներսիսյանի դին իրավապահներն այդպես էլ չեն հայտնաբերել:
- See more at: http://pastinfo.am/hy/node/75386#sthash.vzyYzYgl.dpuf
«Փաստինֆո»-ն գրում է.Քրեական հեղինակություն համարվող կայարանցի Թևոսիկի եղբոր` Արթուր Սաֆարյանի սպանության և Մովսես Ներսիսյանի ենթադրյալ սպանության գործով այսօրվա դատական նիստին ներկայացել էր գործից անջատված մասով մեղադրյալ Տիգրան Ասատրյանը: Նա հայտարարեց, որ ինքը ոչնչից չի խուսափում և ներկայացել է դատարան՝ թեև ծանուցումը պատշաճ կարգով չի ստացել: Մեղադրյալը հիշեցրեց, որ նախորդ դատական նիստում ինքը պնդել է իր նախաքննական ցուցմունքները և հայտարարել, որ չի պատասխանելու դատավարության մասնակիցների հարցերին: Այդ նույն մարտավարությունը Տ.Ասատրյանը որդեգրել էր նաև այսօրվա դատական նիստում, սակայն մերթ ընդ մերթ «դրժում էր» խոստումը և հատվածաբար տալիս պատասխաններ: Արթուր Սաֆարյանի սպանության պատվեր տալու և սպանությունը թաքցնելու համար Մովսես Ներսիսյանի սպանությունը կատարելու մեջ մեղադրվող, գործով միակ ամբաստանյալ Իսրայել Սարգսյանի գրեթե բոլոր հարցերին Տիգրան Ասատրյանը տալիս էր միևնույն պատասխանը՝ «նախաքննական ցուցմունքում ես բոլոր բացատրությունները տվել եմ»:
Իսրայել Սարգսյանն իր հերթին մեղադրում էր Տիգրան Ասատրյանին այն բանի համար, որ վերջինիս տված նախաքննական ցուցմունքի հիման վրա իրեն դատում են, որ «իմ համար փոս ես փորում»: Ի.Սարգսյանը հայտարարեց. «Մոսոն ողջ ու առողջ է, և ես դա մի օր կապացուցեմ»: Տ.Ասատրյանը չպատասխանեց նաև Իսրայել Սարգսյանի այն հարցին, թե ինչո՞ւ է Տ.Ասատրյանը մոնտաժել հանցագործության կատարման վերաբերյալ Իսրայել Սարգսյանի խոստովանությունները պարունակող ձայնագրությունը: Տիգրան Ասատրյանը միաժամանակ հայտնեց, որ իրեն հայտնի չէ, թե որն է Արթուր Սաֆարյանի սպանության դրդապատճառը և որը կարող էր լինել Իսրայել Սարգսյանի կողմից սպանության կազմակերպման պատճառը: Տիգրան Ասատրյանը հայտարարեց, որ Իսրայել Սարգսյանն իր տասը տարվա ընկերն է եղել, իր ընտանիքի անդամը, շաբաթվա չորս օրը միասին էին ճաշում: Ի.Սարգսյանի հարցին, թե «մեզնից ո՞վ խախտեց սրբությունը», Տ.Ասատրյանը պատասխանեց՝ «երբ դու ձեռք բարձրացրեցիր իմ ընտանիքի ու Արթուրի ընտանիքի վրա»:
Մանրամասները՝ սկզբնաղբյուր կայքում