Թուրքիայի Աղրը (Արարատ) նահանգի Դողուբայազիտ շրջանով անցնող և Իրանից Թուրքիա բնական գազի ներմուծումն ապահովող գազատարը պայթեցվել է: Սիսի (Փոքր Մասիս) ստորոտին գտնվող Հալլաչ գյուղի մոտակայքում տեղի ունեցած պայթյունի պատճառների բացահայտման ուղղությամբ անվտանգության ուժերի կողմից համապատասխան  աշխատանքներ են իրականացվում տեղանքում:

Ըստ թուրքական «Radikal»-ի՝  շրջանառվում է վարկած այն մասին, թե պայթյունի հեղինակը «Քուրդիստանի բանվորական կուսակցության» (ՔԲԿ - PKK) զինյալներն են, որոնք Թուրքիայում համարվում են ահաբեկիչներ:

Աղբյուր`    Ermenihaber