Թուրքիայի քրդական «Ժողովուրդների դեմոկրատական» կուսակցության կողմից ընտրված պատգամավոր Գարո Փայլանը այցելել է հայկական «Քամփ Արմեն» ճամբար, որը վերադարձնելու համար արդեն ամիսներ է, ինչ հայ երիտասարդները պայքար են մղում, սակայն ճամբարի ճակատագիրը շարունակում է անորոշ մնալ: Տեղեկացնում է «Ակօս»-ը:
Հայ պատգամավորը «Քամփ Արմեն»-ի բակում Սուրուչում իրականացված ահաբեկչության հետևանքով զոհված երիտասարդների հիշատակին ծառեր է տնկել:  

Հիշեցնենք, որ Թուրքիայի Ուրֆա նահանգի Սուրուչ շրջանի «Ամարա» մշակության կենտրոնի դիմաց հուլիսի 20-ին մահապարտ ահաբեկիչը պայթեցրել էր իրեն: Կենտրոնում տեղակայվել էր «Սոցիալիստ երիտասարդական միությունների ֆեդերացիայի» 300 հոգանոց խումբը: Խումբը պատրաստվում էր ուղևորվել Սիրիայի հյուսիսում գտնվող Քոբանի` աջակցելու քաղաքի վերականգնմանը: Պայթյունի հետևանքով զոհվել է 32 մարդ:

Աղբյուր`    Ermenihaber