Թուրքիայի քրդամետ ժողովրդի Ժողովրդավարական Կուսակցության Շրնաք նահանգային կառույցի հայ համանախագահ Ասմի Քիրաչը՝ Ֆեյսբուքյան իր էջով մահվան սպառնալիքներ է ստացել, գրում է «Ասպարեզ» օրաթերթը:
Թուրքական լրատվական կայքի փոխանցմամբ՝ Քիրաչին ուղված գրառման մեջ եղել է նաև՝ հայերի և Քուրդիստանի բանվորական կուսակցության անդամների հասցեին հայհոյանքներ ու սպառնալիքներ:
«Հայեր, պետք է մեռնեք: Բոլորդ Քուրդիստանի բանվորական կուսակցության անդամ եք, հեռացեք Թուրքիայից»,-գրված է եղել նամակում:
Քիրաչը հայտնել է, որ առաջին անգամ չէ, որ իրեն սպառնում են, նման դեպք եղել է նաև խորհրդարանական ընտրությունների ժամանակ:
Նա նաև հայտնել է, որ իր բնակարանի վրա նշան է դրված, որը սովորաբար «Իսլամանական պետություն» ահաբեկչական խմբավորումը դնում է Սիրայիի քրիստոնեաների բնակարանների վրա:
«Նստիր տունդ, թե չէ գլուխդ կկտրենք»,- ասել են Քիրաչին:
Քիրաչի խոսքով նման սպառնալիքներ ոչ միայն իրեն, այլ նաև Պոլսում բնակվող շատ հայերին են ուղղել, ովքեր ևս մտահոգված են և չգիտեն թե ում դիմեն:
