«Մոլորակի վրա գնալով էկոլոգիական ճգնաժամը խորանում է.մի տեղ ցունամի է, մեկ այլ տեղ՝ հրդեհ ու ջրհեղեղ, իսկ սրանք պատահականություն չեն, քանի որ էկոլոգները շատ վաղուց ասում էին՝ այն, ինչ-որ մենք անում ենք բնության հետ, այն պետք է որ պատասխանի: Մարդիկ սա լուրջ չեն ընդունում, ուղղակի հոշոտում են Մոլորակը, իսկ մենք՝ հայերս, առաջին շարքերում ենք: Երիտասարդները լավ խոսք ունեն՝ «ինչքան ջրեք` կաճենք». սա մեր շենքերի մասին է.սկզբում կառուցապատվում են այլ պլաններով, իսկ անձրևից հետո աճում են: Դիցուք Հյուսիսային պողոտան.Կառավարության որոշմամբ՝ Օպերայից բարձր չպետք է շենքերը լինեն, այնինչ հակառակն է»,-այսօր՝ լրագրողների հետ հանդիպման ժամանակ ասաց «Հանուն կայուն մարդկային զարգացման» ՀԿ-ի ղեկավար, բնապահպան Կարինե Դանիելյանը:
Բնապահպանի խոսքով՝ Երևանը խոցելի է նաև սելավների առումով.
«Գետառը փակեցին, կենտրոնից պակասեցին կանաչապատ տարածքները, սկսեցին կառուցապատել և ասֆալտապատել. «Օղակաձև այգին տեղ-տեղ չորանում է: Այն տրված է մասնավորին, որին կանաչ տարածքը չի հետաքրքրում: Վարդան Մամիկոնյանի արձանի մոտ կանաչ բարդիներով պուրակ կար, այժմ` չկա»: Անդրադառնալով կանաչապատմանը՝ Կարինե Դանիելյանը նշեց, որ շատ բարդ է բակային կանաչապատ տարածքների խնդիրը վերահսկելու հարցը:
Անի Կարապետյան
