Պատկերացնել կարելի է, թե որքան շատ են կորուստներն ադրբեջանական բանակում, որ այդ երկրի պաշտպանության նախարարությունը հաղորդագրություն է տարածել, որում հղում է անում շշուկներին ու խոսակցություններին և նշում, որ նման բան չկա: Ի տարբերություն մեզ՝ Ադրբեջանում մարդիկ չեն կարող սոցցանցերում գրել իրենց իմացածն ու լսածը, ուստի պատկերացնել կարելի է, թե իրականում ինչ է կատարվում այդ երկրի ներսում վերջին օրերին:
Հիշեցնենք, որ սեպտեմբերի 2-ի երեկոյան հակառակորդը մի քանի ժամ կրակ է բացել Տավուշի մարզի սահմանամերձ գյուղերի ուղղությամբ, վիրավորվել է Կոթի գյուղի երկու բնակիչ: Գյուղապետ Ֆելիքս Մելիքյանը Asekose.am-ին հայտնել է, որ վիրավորները մայր ու որդի են: Վերջիններս այս պահին գտնվում են Նոյեմբերյանի բժշկական կենտրոնում: Նրանց ցուցաբերվել է բժշկական անհրաժեշտ օգնություն. վիրավորների վիճակը հիմա կայուն է:
