«Մեր հասարակությունը հեշտ է խաբվում ու հավատում ադրբեջանական կայքերի ապատեղեկատվությանը: Եվ, քանի որ ընդդիմադիր նյութեր են գրում, մարդկանց չես կարողանում հասկացնել, որ այդ կայքն ադրբեջանական է: armeniareport.com և vestiarmenia.info կայքերում, օրինակ տեղադրվել էին տեսանյութեր, որտեղ իբր ականանետով հարվածում են հայ զինվորներին, որը իրականում ծխածածկույթով բեմադրված տեսանյութ էր»,-այսօր՝ լրագրողների հետ հանդիպման ժամանակ ասաց մեդիափորձագետ Սամվել Մարտիրոսյանը:
Նրա խոսքով՝ հայկական լրատվական դաշտն այսօր շատ լավ է աշխատում, մեծացել է ադրբեջանցի ընթերցողների քանակը.
«Կես տարի է՝ Ադրբեջանում արգելվել է իրենց կորուստների մասին տեղեկատվությունը, ուստի հասարակությունը նախընտրում է հայկական լրատվամիջոցներում տարածված տեղեկատվությունը, որպեսզի ճիշտն իմանա:
Չնայած, երբեմն ադրբեջանցի օգտատերերը իրենց զինվորի թաղումն են նկարում, տեսանյութեր են տեղադրում համացանցում, բայց, ցավոք, այս ամենը վերահսկվում է ու արագ վերացվում են»,-նկատեց մեդիափորձագետը:
Անի Կարապետյան