Ռուսական ինքնաթիռի խոցման միջադեպից հետո ոչ միայն ինտենսիվ ռուսական ավիահարվածներ են տեղում այն հատվածներում, որտեղ, ըստ էության՛ ընկել էր ռուսական ինքնաթիռը, այլև սիրիա-թուրքական սահմանային այն տարածքում, որտեղ Անկարայի կողմից ծրագրավորվող այսպես կոչված անվտանգության գոտին պետք է լինի:
Այստեղ ռուսական ռազմաօդային ուժերի հրթիռակոծություններին և ռմբակոծություններին հաջորդում են քրդական ուժերի հարձակումները Իսլամական պետության և այլ զինյալների դեմ:
Պարզ է դառնում որ հիշյալ տարածքում քրդերի (Սիրիայի քրդերի շրջանում ազդեցիկ դիրքեր ունի PKK-ն) ակտիվությունը նաև ռուսական կողմի հետ համաձայնեցվածության և համատեղ ռազմական գործողությունների համակարգման արդյունք է:
Սակայն տեղին է հիշել նաև այն, որ Թուրքիան բազմիցս զգուշացրել է Սիրիայի քրդերին (ՔԴՄ, ԺՊՋ) զերծ մնալ Սիրիայի հենց այդ հատվածում ակտիվ ռազմական գործողություններից, հակառակ դեպքում Անկարան սպառնում էր հրթիռակոծել քրդերի դիրքերը:
Արդեն մի քանի օր է քրդերն ակտիվ են, ու հենց էն հատվածներում, որտեղ Թուրքիան չէր ուզում, որ քրդերը ակտիվ լինեն, բայց թուրքական ավիահարվածներ էլ չկան...
