forrights.am-ը գրում է. Վազգեն Սարգսյանի անվան ռազմական ինստիտուտում սպանված կուրսանտ Հայկազ Բարսեղյանի հայրը ամբաստանյալների հարազատներից իր հասցեին սպառնալիքներ է ստացել և նամակ ուղարկել նախագահական նստավայր: Այս մասին այսօր հերթական դատական նիստի ժամանակ հայտնել է Դավիթ Հարությունյանը:
Կուրսանտի հոր՝ Արկադի Բարսեղյանի նամակը նախագահականից ուղարկվել էր դատախազություն, ապա` դատարան: Հիշեցնենք, որ նախորդ դատական նիստի ընթացքում սպանված կուրսանտի հարազատների հասցեին հայհոյանքներ ու սպառնալիքներ էին նետել դահլիճում ներկա գտնվող ամբաստանյալների աջակիցները, որից հետո տուժողի և ամբստանյալների հարազատների միջև վիճաբանություն էր տեղի տեղի ունեցել:
Այսօրվա դատական նիստը հետաձգվեց, քանի որ դատարան չէին ներկայացել գործով ամբաստանյալներից Վարազդատ Սաֆարյանն, ով մեղադրվում է ոչ թե սպանության, այլ զինվորական ներքին կանոնգրքի հոդվածների խախտման մեջ, վերջինիս պաշտպանն ու սպանության մեջ մեղադրվող ամբաստանյալներից մեկի պաշտպանը:
Նշենք, որ այսօր դատարան էին բերվել նաև գործով վկաներն ու 4 տուժողներ:
Նյութը՝ սկզբնաղբյուր կայքում
