-ն գրում է.Գյումրիում Ավետիսյանների ընտանիքի բոլոր յոթ անդամների սպանության գործով այսօրվա դատական նիստում շարունակվել է ՌԴ սահմանապահ զորքերի զինծառայողների հարցաքննությունը:
Մասնավորապես, հարցաքննվել է հայազգի պայմանագրային մի զինծառայող, ով մասնակցել է Պերմյակովի ձերբակալությանը: Նա, «Շանթ» հեռուստաընկերության ներկայացմամբ, որոշ մանրամասներ է ներկայացրել, թե հայ-թուրքական սահմանի Բայանդուր ուղեկալի տարածքում ինչպես են հայտնաբերել Պերմյակովին, ապա ձերբակալել նրան:
Վկան հայտարարել է, որ սովորաբար Բայանդուրի ուղեկալում մշտական հսկողություն չի եղել, և միայն սպանության գիշերն են իրենց ուղարկել ուղեկալ, քանի որ արտակարգ դրություն է եղել: Ընդ որում, վկան նշել է, որ արտակարգ դրությունը ասելով չի նշանակում, որ բոլոր ուղեկալներում է հսկողություն սահմանվել, և որ սահմանապահ զորքերի հրամանատարն ինքն է որոշել, թե որտեղ պետք է սահմանվի հսկողություն: Հսկողությունը սահմանվել է հենց այն ուղեկալում, որտեղից Վ.Պերմյակովը փորձել է հատել հայ-թուրքական սահմանը:
Մասնավորապես, տուժող կողմի ներկայացուցիչ, փաստաբան Լուսինե Սահակյանի հարցին՝ սպանությունը կատարվել էր Գյումրիում, սահմանն ինչո՞ւ էր ուժեղացվում՝ վկան պատասխանել է. «Որ սպանողը չփախչի»:
Վկան Պերմյակովի պաշտպան Էդուարդ Աղաջանյանի հարցերին ի պատասխան՝ նշել է, որ Պերմյակովը պառկած է եղել մինչև հրամանատարի ժամանելը: Ըստ վկայի, կապիտան Խաչատրյանը հարցրել է՝ «Դո՞ւ ես սպանել, ինքն ասել է՝ ոչ մեկի չեմ սպանել»: «Ո՞վ ես, ո՞ւր ես գնում» հարցերը կապիտան Խաչատրյանը սկզբից է տվել, սակայն այսօր հարցաքննված վկան մոտակայքում չի եղել, որ լսեր, թե ինչ է պատասխանել Պերմյակովը:
Մանրամասները՝ սկզբնաղբյուր կայքում