Այսօր երեկոյան հանրապետության հրապարակում Ն.Ս.Օ.Տ.Տ. Գարեգին Երկրորդի և Հռոմի Պապ Ֆրանցիսկոսի կողմից տեղի կունենա էկումենիկ արարողություն և խաղաղության աղոթք: Արարողությունից առաջ և հետո բեմում կլինի Հայաստանի ազգային ֆիլհարմոնիկ նվագախումբը` Էդուարդ Թոփչյանի գլխավորությամբ: Համերգային ծրագրում կհնչեն հատվածներ Արամ Խաչատրյանի «Սպարտակ» բալետից, Էդվարդ Միրզոյանի «Շուշանիկ», Գարի Քյոսայանի Ավե Մարիա», Կոմիտասի «Երկինքն ամպել է», Վերդիի, Գեորդ Հենդելի, Մորիս Ռավելի ստեղծագործություններից: