Արդեն տեղեկացրել ենք, որ հունիսի 25-ին, ժամը 17.04-ին ահազանգ է ստացվել, որ Երևանի Ագաթանգեղոսի փողոցի թիվ 7 շենքի բակում գտնվող խանութներից մեկի տանիքին քաղաքացի կա ընկած. Պարզվել է, որ տուժողը 16-ամյա աղջիկ է և ընկել է 7-րդ հարկի բնակարաններից մեկից:
Փրկարարները Ժ. Ե.-ին (2000 թ. ծնված) տանիքից իջեցրել են և մոտեցրել շտապօգնության ավտոմեքենային, ով հոսպիտալացվել է «Սրբ. Գրիգոր Լուսավորիչ» ԲԿ:
Թերթ.am-ը գրում է, որ հայտնի է դարձել, որ աղջիկը վայր էր ընկել ոչ թե ինքնասպանություն գործելու, այլ դժբախտ պատահարի հետևանքով` «սելֆի» անելու ժամանակ: Բժշկական կենտրոնից նաև տեղեկացել են, որ աղջկա առողջական վիճակը կայուն ծանր է, ունի գիտակցություն, իսկ հիմնական վնասվածքները ծնոտի շրջանում են` կոտրվածքներ:
