Համաքրիստոնեական և առհասարակ համաշխարհային խաղաղասիրության տեսանկյունից ավելի խորհրդանշական քայլ, քան աշխարհի առաջին քրիստոնյա պետության համաքրիստոնեական կարևորագույն ուխտատեղիներից մեկից՝ Խոր Վիրապից, քրիստոնեական երկու քույր եկեղեցիների առանցքային ներկայացուցիչների կողմից դեպի նույնքան խորհրդանշական բիբլիական Արարատ լեռը խաղաղության խորհրդանիշ զույգ աղավնիներ բաց թողնելու արարողությունը, թերևս, դժվար է պատկերացնել...
Սա յուրօրինակ ուղերձ էր՝ հղված համայն մարդկությանը՝ Հայ ժողովուրդը եղել է, կա ու կլինի հավերժ՝ պատմականորեն և ապագայում էլ, անկախ հանգամանքներից, հավատարիմ մնալով ազգային կոչմանն ու քրիստոնեական հավատին և իր ուրույն ներդրումն ունենալով մարդկային քաղաքակրթության բոլոր բնագավառների զարգացման գործում...
Հիրավի, այս օրերին ականատես ենք լինում պատմական իրադարձությունների, որոնք ոսկե տառերով են գրվելու ոչ միայն բազմադարյա Հայոց պատմության, այլև, ընդհանրապես, համաշխարհային քրիստոնեության պատմության էջերում...
