Hraparak.am-ը գրում է.
Եթե Միհրան Հակոբյանը միայն ՀՀԿ խորհրդի անդամ լիներ, ըմբռնումով կմոտենայի, որ սատկեցնել բառի իմաստը չի հասկանում: Որ ռուսերնում այդ բառը այսպես է թարգմանվում. շան պես սատկեցնել, убить как собаку: Իսկ հայերենում դրան մոտ հոմանիշներն են՝ շանսատակ անել (անարգ.), չարամահ անել, ոչնչացնել...
Թուրքերն են նման բառ օգտագործում հայերի նկատմամբ: Թուրքե՜րը...
Ես մի անգամ իմ ընկերուհուս հարցրի՝ շունդ սատկե՞լ է, մինչև այսօր նա ինձ հետ չի խոսում: Նեղացել էր՝ չէ՞ որ իրենց հետ, իրենց կողքին էր բնակվում:
Անցնեմ ՀՀԿ խորհրդի անդամին:
Նա աշխատում է նաև որպես «ԱՐԱՐԱՏ» հեռուստաընկերության տնօրեն: Հուսով եմ, որ հեռուստաընկերության տնօրենը գոնե գիտի թե ինչ իմաստով է օգտագործվում այդ բառը: Ու նա դա օգտագործում է մարդու հանդեպ:
Ֆեյսբուքյան իր էջում առաջարկում է «սատկացնել» ՊՊԾ գնդի ներսում գտնվող «Սասնա ծռեր» խմբի անդամներին:
Այդ դեպքում ուզում եմ իմանալ «սատկեցնելու ունակ մարդը», կոնկրետ դեպքում հեռուստատեսության ա՛յս տնօրենը, ինչո՞վ է տարբերվում ահաբեկչից: Իր արտահայտության համար ես նրան կարող եմ ասել ահաբեկիչ ու էլ ինչ ասես: Նա հանրությանն է կոչ անում, առաջարկում, կարծիք ձևավորում: Որ հայը հային կարող է «սատկացնել»:
ՀԳ Ա՜յ այս կարգի մարդիկ են հեռուստատեսություն ղեկավարում ու ապականում մարդկային էությունները...
ՀԳ Կարդում եմ նրա հասցեին սոցիալական ցանցերում արված գրառումները և ամաչում: Ու մեկը, որ չափի մեջ է և խիստ բնութագրական, հազիվ գտնելով, ներկայացնում եմ.
Արա Պապյան
Եվ սա ՀՀԿ խորհրդի անդամի գրառում է:
Հասմիկ Բաբաջանյան
Նյութը՝ սկզբնաղբյուր կայքում