Ամառային արձակուրդը մայրաքաղաքում անցկացնող երեխաների ազատ ժամանցը հետաքրքիր դարձնելու նպատակով Երևանի քաղաքապետարանի «Երևանյան ամառ 2016» եռամսյա միջոցառումների ծրագրով մայրաքաղաքի վարչական շրջաններում հունիսի 1-ից գործում են բակային ճամբարներ:
Դրանցից հերթականը` «Բակային ընկերասիրություն» խորագրով, բացվել էր Դավթաշեն վարչական շրջանի 4-րդ թաղամասում: Ճամբարային երեկոյի ընթացքում կազմակերպվել են խաղ-մրցույթներ, վիկտորինաներ, շոու ծրագիր` սիրված հեքիաթների ու մուլտերի հերոսների մասնակցությամբ: Փոքրիկ դավթաշենցիները նաև ասմունքել են, երգել, պարել ու խրախուսական մրցանակներ տացել: Երեխաների տրամադրությունն ավելի է բարձրացրել ուրախ գնացքով շրջագայությունը վարչական շրջանի տարածքում:
Երևանի քաղաքապետարանի տեղեկատվության
և հասարակայնության հետ կապերի վարչություն
