Այսօր Կենտրոն և Նորք Մարաշ վարչական շրջանների ընդհանուր իրավասության դատարանում որոշոմ է կայացվել ՌԴ քաղաքացի Սերգեյ Միրոնովին չկալանավորել: Վերջինս չի կարողանա Հայաստանից դուրս գալ որոշ ժամանակ, սակայն նրա վրայից մեղադրանքները հանվել են:
Լրագրողների հետ զրույցում Միրոնովի փաստաբան Կարեն Ներսեսյանը նշեց, որ կայացված որոշումը դատարանի կողմից ամենաճիշտ որոշումն էր: Նշենք, որ դատավորը Մնացական Մարտիրոսյանն է: Միրոնովը 40 օր կմնա Հայաստանում, որից հետո կտեղափոխվի Ռուսաստան:
Հիշեցնենք, որ օգոստոսի 26-ին Հայաստանի իրավապահ մարմինները Երևանի «Զվարթնոց» օդանավակայանում ձերբակալել են ՌԴ քաղաքացի Սերգեյ Միրոնովին, ով կնոջ հետ Երևան էր եկել Մոսկվայից: Նրա ձերբակալման հարցն Ինտերպոլի միջոցով եկել էր ԱՄՆ-ից:
