Լրջագույն ճակատամարտերի թատերաբեմի վերածվելիք Սիրիայի հյուսիսում իր դիրքերն է ամրապնդում նաև Թուրքիան:
Սիրիայի հյուսիսում ակտիվացած համակողմանի ռազմագործողությունների և ակնկալվող իրավիճակային թեժացումների համատեքստում սեփական դիրքերն ամրապնդելուն միտված քայլեր է նախաձեռնում նաև սիրիական հակամարտությանն ուղղակիորեն ներգրավված արտաքին կարևորագույն դերակատարներից Թուրքիան:
Մի շարք աղբյուրների հավաստմամբ՝ «Իսլամական պետություն» ահաբեկչական կազմակերպության դեմ պայքարելու և ընդդիմադիր «Սիրիական ազատ բանակ» կառույցի առաջխաղացմանն աջակցելու նպատակով այսօր առավոտյան թուրքական զինուժը սիրիաթուրքական սահմանամերձ թուրքական Քիլիս քաղաքից զրահատեխնիկայի և զրահամեքենաների նոր խմբաքանակ է մտցրել Սիրիայի տարածք...
