Ձկնարտադրողները, ովքեր երկար ժամանակ պետական աջակցություն չեն ունեցել, բարձրաձայնված հարցերի  պատասխաններն էլ չեն ստացել, մեծ հույսեր են կապում ՀՀ նոր վարչապետ Կարեն Կարապետյանի հետ:

«Խնդիրներն ավելի բարդացել են՝  ներքին շուկայի ջախջախված լինելու, արտաքին շուկայում մրցակցությունից դուրս գտնվելու պատճառով, ուստի բոլոր ձկնարտադրողների համար հավասար պայմաններ պետք է ստեղծվեն: Քանի որ մեծ քանակությամբ էլեկտրական էներգիա ենք սպառում, ակնկալում ենք Կառավարության աջակցությունը՝ արտոնություններ սահմանելու առումով»,-լրագրողների հետ հանդիպման ժամանակ ասաց Հայ ձկնարտադրողների միության նախագահ Արթուր Աթոյանը:

Հայ ձկնարտադրողների միության նախագահը նկատում է՝ այնքան հաճախ են փակվում ձկնաբուծական տնտեսությունները, որ հաշիվն էլ ենք կորցնում.

2013 թվականին ունեցել ենք 234 ձկնաբուծական տնտեսություն, 2014թվականին փակվել է մոտ 25-ը, 2015թ.-ին՝ 77-ը, 2016թ.-ին՝ 32-ը: Եվ, եթե 3-ը բարգավաճել են, ապա սա նշանակում է, որ մենաշնորհացման դասական օրինակի հետ ենք առնչվում:

Անի Կարապետյան