Արևելքը գրում է.BBC-ն անդրադարձել է Սիրիայի պատերազմի հետևանքով լքված կատուների խնամքով զբաղվող Մուհամեդ Ալաա Ջալիլին, որ ամեն օր կերակրում է փողոցում հայտնված հարյուրավոր կատուների: Նա ասում է, որ տերերը թողել են կենդանիներին ու գնացել, իսկ մի մասն էլ պարզապես նրանց խնամելու հնարավորություն չի ունեցել և լքել է:
Սիրիացի մի աղջնակ նույնպես իր սիրելի կատուն վստահել է Մուհամեդ Ալաա Ջալիլին և տեղափոխվել Թուրքիա, նա ամեն օր կատվի լուսանկարներն է սպասում Մուհամեդից, որը սիրով նկարում և ուղարկում է:
Բայց Մուհամեդ Ալաա Ջալիլը միայն կենդանիների սիրահար չէ: Հալեպում արաբ երիտասարդը հայտնի է իբրև թեժ կետերում հայտնվող, վիրավորներին տեղափոխող, ծերերին ու երեխաներին օգնող և արտասովոր իրավիճակներում աշխատող: Նա չի լքել իր ծննդավայրը և պատրաստ է մինչև վերջ մնալ այնտեղ:
