Հիշեցում Asekose.am-ի կողմից` բլոգերների ու համացանցի օգտատերերի գրառումները ներկայացվում են առանց խմբագրման:
Սպիտակի երկրաշարժի հետևանքով առաջ եկած աղետի գոտու վերականգնման աշխատանքները դեռևս շարունակվում են: Գրեթե ամեն տարի որոշակի ծրագրեր են իրականացվում աղետու գոտու անօթևաններին բնակարաններով ապահովելու համար:
Աղետի գոտում բնակապահովման նախաձեռնություններին զուգահեռ՝ վերջին տարիներին իրականացվել են նաև դպրոցաշինական, առողջապահական և մշակութային հաստատությունների կառուցման ծրագրեր: Աղետի գոտու՝ մասնավորապես Գյումրիի անօթևանների խնդրի լուծումը գտնվում է կառավարության ուշադրության ներքո: Այդ մասին ԱԺ-ում իր ելույթում խոսել է նաև ՀՀ վարչապետը:
Նրա խոսքով՝ կառավարությունը կշարունակի աղետի գոտու վերականգնման աշխատանքները, իսկ 2017 թվականին Գյումրիում ամբողջովին կավարտվի շինարարության ու բնակարանների բաշխման ծրագիրը։
