ՀՀ վարչապետ Կարեն Կարապետյանը Սամվել Մարգարյանին նշանակել է Հայաստանի Հանրապետության առողջապահության նախարարի տեղակալ։
«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝
Սամվել Մարգարյանին նշանակել Հայաստանի Հանրապետության առողջապահության նախարարի տեղակալ», - ասվում է հայտարարության մեջ:
Ավելի վաղ հայտնել էինք, որ Մարգարյանը հրաժարվել է փոխնախարարների համար նախատեսված ընդունարանով աշխատասենյակից, գործավարուհուց, տեղափոխվել է մեկ այլ՝ սովորական աշխատասենյակ, գործի է գալիս հեծանիվով:
