Կոլումբիայում ինքնաթիռի կործանման պատճառը վառելիքի անբավարարությունն է եղել: Այս մասին նոյեմբերի 30-ին կայացած մամուլի ասուլիսում հայտնել է Կոլումբիայի քաղաքացիական ավիացիայի ավիացիոն անվտանգության ծառայության պետ Ֆրեդի Բոնիլյան:
Կոլումբիացի պաշտոնյան նշել է, որ կործանված օդանավը վառելիքի անհրաժեշտ պաշար չի ունեցել: Նա նշել է, որ հետագա հետաքննությունը թույլ կտա պարզել, թե ինչու վառելիքի սահմանված պաշար չի ստեղծվել:
Հիշեցնենք, որ կործանված օդանավում գտնվել է 72 ուղևոր և անձնակազմի 9 անդամ, «Շապեկոենսե» թիմի ֆուտբոլիստներ և հավատարմագրված լրագրողներ: Կոլումբիայում տեղի ունեցած ավիավթարց հետո ողջ է մնացել առնվազն 13 մարդ։
Հավելենք, որ ավիավթարից ողջ մնացած բրազիլական «Շապեկոենսե» ֆուտբոլային ակումբի դարպասապահ Մարկոս Դանիլոն երեկ մահացել է հիվանդանոցում: