Այսօր հրավիրած մամուլի ասուլիսում ՀՀ վարչապետ Կարեն Կարապետյանը ներկայացրել է պետական համակարգի օպտիմալացման և կատարված կրճատումների կարճ ամփոփագիրը.
«Այս կրճատումների մեջ կա հստակ մի տրամաբանություն, այն պետք է հեշտացնի որոշումներ կայացնելու գործընթացը: Պետական կառավարման համակարգում բազմաթիվ խնդիրներ կան: Քայլ առ քայլ պետք է հասնենք նրան, որ պետական ծառայողի վարձատրությունը կախված լինի նրա աշխատանքի արդյունավետությունից»,- ասել է վարչապետը՝ հավելելով, որ ցածր աշխատավարձի դեպքում առկա էին կոռուպցիոն ռիսկեր:
Տեղեկացնենք, որ պետական համակարգում կրճատվել է երեք հազար մարդ, տնտեսվել է 5 միլիարդ 359 միլիոն դրամ: