Փետրվարի 15–ին անհայտ անձինք կրակել են Մարդու իրավունքների և ժողովրդավարության ինստիտուտ (ՄԻԺԻ) ՀԿ հիմնադիր, իրավապաշտպան Արմինե Առաքելյանի ուղղությամբ, ինչի հետևանքով սպանվել է նրա շունը: Այս մասին հայտնել է հենց Արմինե Առաքելյանը ֆեյսբուքյան իր էջում.
«Նոր տուն հասա, հենց մեջքովս դարպասից տան բակ էի մտնում, տանս վերևի ճամբից կրակեցին ինձ, չդիպչեց, փա՛ռք Աստծո, բայց գիժուկ Ֆիֆիին կպավ։ Նա ջան է տվել։
Վերև բարձրացա, փախան կապույտ ժիգուլիով դեպի եկեղեցու ուղղությամբ։ Զանգել եմ ոստիկանության։
Իմ ասածին եմ մնում, եթէ ՀՀ Պետական մարմինները իմ անվտանգությունս չեն կարողանում ապահովել։
Արմինէ Առաքելեան»: