▲ Դեպի վեր

ՎԵՐՋԻՆ ԼՈւՐԵՐԸ

Եղավ պահ, երբ ներքև իջա. Գոռ Վարդանյանը՝ ընտանիքի հետ ավտովթարի ենթարկվելու, դժվարությունների մասին և ոչ միայն

Կարագը կրկին թանկացավ. այս անգամ 550 դրամով, կամ՝ 14 տոկոսով

Պատին մեխված և լվացքի պարանին «չորացող» ճուռակներ. բարբարոսությանը «մասնակից» է նաև երեխա

Ցանկանում եմ լավ տրամադրություն, բայց գինու օգտագործման մասին մտածեք...Կարեն Կարապետյան

Թրամփը շարունակում է պնդել, որ Օբաման կազմակերպել է իր գաղտնալսումները



2017-03-20 10:14:40

Օրերս Սպիտակ տան մամլո խոսնակ Շոն Սփայսերը ստիպված էր պատասխանել բազմաթիվ լրագրողների հարցերին, թե ինչու է նախագահ Թրամփը շարունակում պնդել, որ նախկին նախագահ Բարաք Օբաման գաղտնալսումներ է կազմակերպել Նյու Յորքի Trump Tower շենքում այն դեպքում, երբ Կոնգրեսի երկու պալատների հատուկ ծառայությունների գծով հանձնաժողովների անդամ կոնգրեսականներն ու սենատորներն ասում են, որ նման բան տեղի չի ունեցել:

Սփայսերը վերահաստատեց, որ նախագահ Թրամփը շարունակում է մնալ այդ կարծիքին և մեղադրեց լրագրողներին փաստերը խեղաթյուրելու մեջ՝ կապված Սենատի հանձնաժողովում տեղի ունեցած քննարկումների հետ: Նա նշեց, որ ԱՄՆ-ի Կոնգրեսը դեռ չի ստացել այս հարցի վերաբերյալ ամբողջական տեղեկությունը:

Սակայն Սենատի հատուկ ծառայությունների գծով հանձնաժողովի երկու բարձրաստիճան սենատորներ Ռիչարդ Բուրն ու դեմոկրատ Մարկ Ուորներն իրենց հայտարարության մեջ ասել են, որ իրենց ձեռքի տակ եղած տեղեկությունը չի հայտնաբերել ապացույցներ, որ պետական որևէ կառույց գաղտնալսումներ կամ գաղտնի տեսագրություններ է կազմակերպել Trump Tower-ում ինչպես ընտրություններից առաջ, այնպես էլ հետո:

Այս հայտարարությանը նախորդել էր Ներկայացուցիչների պալատի խոսնակ Փոլ Ռայանի հայտարարությունը, ով ևս հերքել էր նախագահ Թրամփի պնդումը, որ Օբաման գաղտնալսումներ է կազմակերպել:

Չորեքշաբթի օրը Ներկայացուցիչների պալատի հատուկ ծառայությունների գծով հանձնաժողովի նախագահ, հանրապետական Դևին Նունեսը, ով աջակցել էր Թրամփին, իր մամլո ասուլիսի ընթացքում ասել է, որ ինքը ևս կարծում է, որ նման գաղտնալսում տեղի չի ունեցել՝ ընդգծելով, որ հանձնաժողովը չունի որևէ ապացույց այս պնդման վերաբերյալ:

Այս մոտեցման հետ համամիտ է հանձնաժողովի բարձրաստիճան կոնգրեսական Ադամ Շիֆը:

«Առայսօր մենք չունենք որևէ ապացույց, որը կհաստատի նախագահ Թրամփի պնդումը, որ իր նախորդը գաղտնալսել է նրան և նրա օգնականներին Trump Tower-ում: Չկան հիմքեր նման պնդումների համար»,- ասել է կոնգրեսական Շիֆը:

Կոնգրեսականներ Նունեսն ու Շիֆը հայտարարել են, որ իրենք սպասում են արդարադատության նախարարության տեղեկությանը՝ կապված ամերիկյան որևէ դատարանի կողմից նման գաղտնալսման արտոնման հետ:

Նախագահ Թրամփը մեղադրել է նախկին նախագահ Օբամային գաղտնալսումներ կազմակերպելու մեջ թվիթերյան գրառման միջոցով: Նախկին նախագահ Օբամայի մամլո խոսնակը հերքել է նախագահ Թրամփի մեղադրանքը՝ այն կոչելով կեղծ:

 

Ամերիկայի ձայն







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.