Ազատության հրապարակից մեկնարկած «Հաց բերողի» հիշատակին նվիրված բողոքի ակցիայի մասնակիցները, հասնելով Թումանյան-Աբովյան խաչմերուկ, նստեցին փողոցի մեջտեղում ՝ փակելով ճանապարհը: Ոստիկանների շղթան այդ ժամանակ առաջ շարժվեց, որպեսզի ազատեն երթևեկելի հատվածը, սակայն երիտասարդները՝ ազատազրկված քաղբանտարկյալ Շանթ Հարությունյանի որդու՝ Շահենի գլխավորությամբ , միմյանց գրկած, շարունակում էին նստած մնալ ու վանկարկում էին՝ «Արթուր, Արթուր...»: Ոստիկաններն, ի վերջո, մի քանի հոգով կարողացան Շահեն Հարությունյանին «պոկել» գետնից ու երթի մասնակիցներին հեռացնել փողոցի երթևեկելի հատվածից: