Արդեն տեղեկացրել ենք, որ ՀՀԿ ԳՄ նիստից հետո լրագրողների հետ հանդիպման ժամանակ ՀՀԿ խոսնակ, Ազգային ժողովի փոխնախագահ Էդուարդ Շարմազանովը ասել է,որ ՀՀԿ-ն ու ՀՅԴ-ն շատ մոտ են՝ կնքելու քաղաքական համագործակցության համաձայնագիր:

Էդուարդ Շարմազանովը խոսել է  նաև Երեւանի ավագանու ընտրությունների քարոզչության  մասին:  Լրագրողների  հարցին, թե  ՀՀԿ-ի  քաղաքապետի թեկնածուն  վախենու՞մ է հրապարակային բանավեճից Նիկոլ Փաշինյանի հետ՝ Էդուարդ Շարմազանովն ասել է, որ իրենց թեկնածուն նախընտրում է բակային հանդիպումներ ունենալ, դա է իրենց մարտավարությունը. «Այս պահին մեր օրակարգում չկա նման պրակտիկա: Եթե կարիք լինի, միգուցե խնդրենք մեր 50 համարին կամ 60 համարին, կամ 15, 20 համարին «Ելքի» ղեկավարների հետ հանդիպել»,-եզրափակել է Էդուարդ Շարմազանովը:

Տեսանյութն՝ 1in.am-ի