Այսօր՝ ժամը 16:30-ի սահմաններում, ադրբեջանական հենակետից անկանոն կրակ են բացել Ոսկեպար-Բաղանիս հատվածի միջպետական ճանապարհի ուղղությամբ:
Այս մասին իր ֆեյսբուքյան էջում գրել է Տավուշի մարզի Բաղանիսի համայնքապետ Նարեկ Սահակյանը։
«Գնդակոծության է ենթարկվել «Ջերմուկ Գրուպ»-ին պատկանող ածխաթթու գազով բեռնված ԴԱՖ մակնիշի 130 ԼՕ 05 պետհամարանիշի բեռնատար ֆուռը: Գնդակոծությունից վնասվել է միայն (амотизацион) օդի բարձիկը: Մեքենայի վարորդ Անդրանիկ Աբրահամյանը չի տուժել: Բաղանիս գյուղի ուղղությամբ կրակոցներ չեն եղել:
Հ.Գ. Ապատեղեկավություն տարածող մանյակներին`
Բաղանիս գյուղի ուղղությամբ կրակոցներ չեն եղել».- նշել է համայնքապետը:
