Այսօր՝ մայիսի 25-ին, Վարդաշեն ՔԿՀ-ից ազատ արձակվեց 6 տարվա ազատազրկման դատապարտված՝ պահեստազորի գնդապետ Վոլոդյա Ավետիսյանը: Նա ազատ արձակվեց 2013 թ. կիրառված համաներման հետևանքով պատժաչափի կրճատման արդյունքում:
Լրագրողների հետ զրույցում Վոլոդյա Ավետիսյանը նշեց, որ ՔԿՀ-ից անմիջապես գնալու է Հանրապետության հրապարակ` նստացույց սկսելու: Ըստ նրա` ինքը որ շարունակելու է իր պայքարը անարդարության դեմ`պահանջելով, որ Հայաստանում գործի վաղաժամկետ պայմանական ազատման ինստիտուտը։
Հավելենք, որ Վոլոդյա Ավետիսյանն արցախյան ազատամարտի մասնակից է, եղել է Լեոնիդ Ազգալդյանի աջ ձեռքը:
Հիշեցնենք, որ Վոլոդյա Ավետիսյանը դատապարտվել է խարդախության համար։ Վոլոդյա Ավետիսյանը հերքում է մեղադրանքը։ Նա և իր մարտական ընկերները կարծում են, որ սա քաղաքական հետապնդում է պահեստազորի գնդապետի դեմ՝ իրենց սոցիալական պայմանները բարելավելու նպատակով ազատամարտիկների բողոքի շարժումը ղեկավարելու համար: