armtimes.com-ը գրում է. Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Արշակ Վարդանյանի նախագահությամբ այսօր շարունակվել է Անալիտիկ կայքի խմբագիր Անի Հովհաննիսյանի գործով դատական նիստը:
Նախատեսվում էր, որ այսօր դատարանը կլսի գործով առանցքային տուժող ԱԺ պատգամավոր Տիգրան Ուրիխանյանին: Սակայն Ուրիխանյանը հերթական անգամ չի ներկայացել դատական նսիտին;
Մեր զրույցում գործով ամբաստանյալ Անի Հովհաննիսյանի պաշտպան Լիպարիտ Սիմոնյանն ասաց, որ Ուրիխանյանի ներկայացուցիչը դատարանին հայտնել է, որ Հայաստանում ընթանում են Եվրոպայի խորհրդի աշխատանքային հանձնաժողովի աշխատանքները, եւ նրա ներկայությունը պարտադիր է: Սա զայրացրել է պաշտպանական կողմին: «Միջնորդեցի կա՛մ ազատ արձակել Անի Հովհաննիսյանին, կա՛մ Տիգրան Ուրիխանյանին բերման ենթարկել, իսկ եթե ոչ, ապա անթույլատրելի ճանաչել Ուրիխանյանի նախաքննության ընթացքում տված ցուցմունքը»,- մեր զրույցում ասաց Սիմոնյանը: Դատավոր Արշակ Վարդանյանն ի պատասխան հայտնել է, որ եթե հաջորդ դատական նիստին էլ Տիգրան Ուրիխանյանը չներկայանա, ապա նրա բերման ենթարկելու որոշում կկայացնեն եւ կքննարկվի նաեւ Անի Հովհաննիսյանի խափանման միջոցը փոխելու հարցը:
Շարունակությունը՝ սկզբնաղբյուր կայքում
