Սևանա լճի ստորջրյա ավազանի գիտահետազոտական արշավ իրականացնողները` Երկրաբանական գիտությունների դոկտոր, ՀՀ ԳԱԱ գիտնական Արա Ավագյանը, ստորջրյա հետազոտությունների և սուզումների հայկական կենտրոնի (ՍՀՍՀԿ) սուզորդներ՝ կենտրոնի հիմնադիր Ստեփան Կոջայանը (Ֆրանսիա), կենտրոնի նախագահ Կլոդ Թուլումջյանը (Մարսել) և ՍՀՍՀԿ-ի Տեխնիական մասի պատասխանատու Վահե Մելքոնյանն ահազանգում են ափամերձ հատվածի աղբը հայտնվել է ջրի տակ: Ջրի հատակում են հայտնվում նաև ձկնորսական պարագաները և ծուղակ են հանդիսանում խեցգետինների, ձկների և կենդանական աշխարհի համար: Լավ է՝ վերջերս ջրի մակարդակն է մի փոքր բարձրացել, ինչը նշանակում է, որ Սևանն ինքնամաքրվում է,-ասում են նրանք:
2012 թվականի մարտից հիմնադրված հայ-ֆրանսիական սուզորդական հետազոտությունների կենտրոնը, պարզվում է՝ ակտիվ գործունեություն է ծավալում, համագործակցում է հայ գիտնականների, Բնապահպանության նախարարության հետ:
Կենտրոնի նախագահ Կլոդ Թուլումջյանի փոխանցմամբ՝ հուլիսին նախարարության հետ կնքված հուշագրի համաձայն՝ համագործակցելու են 3 ուղղությամբ.առաջինը ՀՀ-ում ջրային ավազանների, հատկապես ստորջրյա հատվածի ուսումնասիրությունն է, երկրորդը՝ տեղեկատվության տարածումն ու փոխանակումը, և երրորդը՝ էկո կրթությունը:
Ինչ վերաբերում է գիտնականների հետ համագործակցությանը, ապա երկրաբանների խնդրանքով ուսումնասիրել են ստորջրյա աղբյուրները և ստացվել է հետաքրքիր արդյունք: Մոտ 30 տեղանքում 10-յակ աղբյուրներ են հայտնաբերել:
Նշենք, որ ավելի վաղ հայտնաբերվել է նավակ, ուղտի գանգ, ոսկորներ, բեզուարյան այծի կոտոշներ: Յուրահատուկ է բուսական աշխարհը, կան կորացած գանգրահեր քարային կոթողներ, ժայռեր:
Անի Կարապետյան