Երևանի քաղաքապետարանի աշխատակազմի արտաքին ձևավորման և գովազդի վարչության պետ Արազ Բաղդասարյանն իր ֆեյսբուքյան էջում գրում է.
«3D նկարներ կան ամբողջ աշխարհում, ամենատարբեր վայրերում…հիմնականում տուրիստների համար գրավիչ վայրերում, մշակութային հուշարձանների մոտակայքում նույնիսկ եկեղեցիների բակերում…նկարների թեմաներն էլ տարբեր են և պարտադիր չէ, որ կենդանաբանական այգու կողքը կենդանի լինի իսկ պանթեոնի դիմաց հին աստվածներ…այս նկարներն իրենք իրենցով հետաքրքրություն են ներկայացնում առաջին հերթին 3D տեխնոլոգիայի շնորհիվ խորություն ստանալու և որոշակի կետից նկարվելիս նկարի մաս դառնալու պատճառով…ի դեպ դրանք ժամանակավոր են և կոչված են ակտիվացնել տվյալ ժամանակահատվածում զբոսաշրջիկների և ոչ միայն, հոսքը դեպի այն տարածքներ որտեղ պատկերված են…Այնպես որ արջերի մասին խոհափիլիսոփահական մտքեր արտահայտելու փոխարեն առաջարկում եմ ժամանակ չկորցնել և գեղեցիկ նկար ունենալ Օպերայի ֆոնին, իսկ Ձեր հյուրերին էլ, առիթից օգտվելով, պատմել հայկական ճարտարապետության գլուխգործոցի և հայ մշակույթի մասին…ի դեպ 3D տեխնոլոգիայով նկարիչները շատ չեն աշխարհում, այս նկարը պատկերել է մեր համաքաղաքացին՝ Elsn Zavelyan-ը…իսկ աշխատանքն արժանացել է միջազգային հեղինակություն ունեցող մասնագետների հավանությանը և ցուցադրվելու է Գերմանիայում կայանալիք 3D նկարների փառատոնին…շնորհավորում եմ նկարչուհուն և ուրախ եմ, որ Երևան անունը նշելիս 3D պատկերի ֆոնին կերևա Օպերայի նկարը…գուցե փորձե՞նք ավելի պոզիտիվ լինել…ուրախ օր եմ մաղթում բոլորիս…»:
