Խոսրովի անտառ արգելոցում բռնկված հրդեհի մարման աշխատանքներին երեկ տեղացած անձրևը չի օգնել, քանի որ արգելոցի տարածքում անձրև չի տեղացել, այս մասին ֆեյսբուքյան իր էջում տեղեկացնում է Արտակարգ իրավիճակների նախարարության մամուլի խոսնակ Նանա Գնդոյանը։
«Հ.Գ.-ով սկսվող գրառում. հատուկ բոլոր նրանց համար, ովքեր կփորձեն շահարկել, թե «Խոսրովի անտառի հրդեհի մարումն անձրևն է իրականացրել», տեղեկացնեմ Խոսրովի արգելոցի տարածքում անձրև չի եղել»,– գրել է նա:
Հիշեցնենք, որ ԱԻՆ–ն այսօր հաղորդագրություն էր տարածել, որոց տեղեկացնում էր, որ Խոսրովի արգելոցի հրդեհը չեզոքացվել է 13.5 կմ պարագծով և այժմ մարվում է մնացած 2.5 կմ պարագիծը։
Հանգցման աշխատանքների մեջ ներգրավված են ՌԴ ԱԻՆ, բնապահպանական և Զինված ուժերը, ինչպես նաև բնակչությունը: Չնայած եղանակային բարդ պայմաններին՝ ՌԴ ԱԻՆ «ԻԼ-76» հրդեհաշիջող ինքնաթիռը շարունակում է իր թռիչքներն ու մարման աշխատանքները: