Իսպանիայում ՀՀ դեսպանությունը ճշտում է Բարսելոնայում տեղի ունեցած միջադեպի հետևանքով տուժածների թվում հայերի ու ՀՀ քաղաքացիների առկայությունը: Այդ մասին «Արմենպրես»-ին տեղեկացրել են ՀՀ արտաքին գործերի նախարարությունից:
Բարսելոնայում մարդկանց բազմության մեջ փիքափի մխրճվելու հետևանքով զոհերի թիվը հասել է 13-ի: Դեպքի հետևանքով վիրավորների թիվը 56 է: Ոստիկանությունը տեղի ունեցածը գնահատել է որպես ահաբեկչություն:
«Իսլամական պետություն» ահաբեկչական խմբավորումը ստանձնել է Բարսելոնայում տեղի ունեցած ահաբեկչության պատասխանատվությունը:
Այս մասին հաղորդում է իսլամիստների հրապարակումներին հետևող SITE Intel Group մոնիթորինգային խմբի թվիթերյան էջը՝ նշելով, որ այդ լուրը տարածել է ԻՊ-ին ենթակա լրատվական աղբյուրը: