Արցախի անվտանգության ապահովման գործում աչքի ընկած մի խումբ զինծառայողներ գումարային սատարում են ստացել. ընդհանուր բյուջեն 15 հազար դոլար: Այս մասին իր ֆեյսբուքյան էջում գրում է Արցախի նախագահի խորհրդական Տիգրան Աբրահամյանը:
«Բանակի, զինծառայողների նկատմամբ պարտքի զգացում բոլորս ունենք: Սպայի, զինվորի նկատմամբ հարգանքը մեր երկրում միշտ էլ ընդգծված է եղել:
Այս տարիների ընթացքում շատերն են եղել բանակի կողքին՝ ով ինչով կարողացել է՝ ուղղակի կամ անուղղակի մասնակցությամբ:
Օրերս Արցախի անվտանգության ապահովման գործում աչքի ընկած մի խումբ զինծառայողներ գումարային սատարում են ստացել. ընդհանուր բյուջեն 15 հազար դոլար:
Ում նախաձեռնությամբ այդ գումարները հատկացվեցին, չհամաձայնվեց հրապարակել իր անունը, ճիշտ այնպես, ինչպես անցած ամսվա նմանատիպ նախաձեռնության ժամանակ և դրան նախորդող բոլոր դեպքերում, բայց տեղեկացրեց, որ առաջիկայում ևս զինված ուժերում նոր նախաձեռնություններ են սպասվում»,- նշված է գրառման մեջ:
