▲ Դեպի վեր

lang.iso lang.iso lang.iso

Ամուսնու անհավատարմության մասին տեղեկանալով` կինը ծեծել է ամուսնու սիրուհուն

Կոտայքի մարզում կինը ծեծի է ենթարկել ամուսնու սիրուհուն այն բանից հետո, երբ տեղեկացել է, որ ամուսինն այս կնոջ հետ գտնվում է սիրային կապի մեջ:

Ըստ մեղադրանքի՝ կինը, տեղեկանալով, որ ամուսինը հավատարիմ չէ իրեն, այդ հարցի շուրջ պարզաբանումներ ստանալու նպատակով գնացել է Աբովյան քաղաքում գտնվող հանրակացարան, որտեղև հանդիպել, ապա վիճաբանել է իր ամուսնու հետ սիրային հարաբերությունների մեջ գտնվող կնոջ հետ, ով գործով տուժող է ճանաչվել:

Կանանց միջև զրույցն այնքան է թեժացել, որ ավարտվել է ծեծով: Ամուսնու հետ սիրային հարաբերության մեջ մտնելու համար կինը նրան ծեծի է ենթարկել, պլաստմասե էլեկտրական թեյնիկով հարվածել է այդ կնոջ մեջքին, ձեռքերով և ոտքերով նրա մարմնի տարբեր մասերին՝ արդյունքում նրան պատճառելով առողջության թեթև վնասի հատկանիշներ չպարունակող մարմնական վնասվածքներ և ֆիզիկական ցավ:

Աղբյուրը՝ «ՓաստԻնֆո»

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին