ՀՀ ոստիկանության հասարակայնության հետ կապի և լրատվության վարչության պետն Աշոտ Ահարոնյանը ֆեյսբուքյան իր էջում գրում է.
«Վերջին շրջանում շատ են խոսում, իսկ այսօր թերթերից մեկի հրապարակած հարցազրույցում նույնիսկ ուղղակի պնդում կար, թե վերջին տասը տարում ոստիկանության թվակազմը կրկնապատկվել է:
Կրկին հորդորում, խնդրում, կոչ եմ անում՝ ձեռնպահ մնացեք միտումով կամ չիմացությամբ ապատեղեկատվություն տարածելուց:
Կառավարության որոշմամբ՝ ոստիկանության թվակազմը գաղտնագրված է, բայց չափազանց հետաքրքրասերների համար ասեմ, որ վերջին տասը տարվա ընթացքում ոստիկանության թվակազմը մի քանի հարյուրով կրճատվել է:
Հետևություններն ինքներդ արեք…»:
