«Վանաձորի Մարշալ Բաղրամյանի անվան N 26 հիմնական դպրոցը, որն ունի 30 աշակերտ և զբաղեցնում է շուրջ 5069 թմ տարածք, կփակվի և կմիացվի հարևանությամբ գտնվող թիվ 28 դպրոցին, որը կառուցվել է երկրաշարժից հետո։ Դպրոցի պահպանությունն ու վերականգնումը բացարձակապես չի հիմնավորվում։ Բոլորին պետք է հասկանալի դառնա, որ այս թվակազմով և այս տարածքով դպրոց պահելը չի արդարացվում և կրթությունը նորմալ չի այդ դպրոցում», – հարցի քննարկումը կառավարության օրակարգում էր, այն ներկայացրեց տարածքային կառավարման և զարգացման նախարար Դավիթ Լոքյանը։
Դպրոցների վերակազմավորմամբ ինչքան միջոց է խնայվում,հարցրեց Վարչապետը:
«19 միլիոն դրամ», – ասաց նախարարը։
Վարչապետը նաև հետաքրքրվեց, թե հարցը տեղում համաձայնեցվա՞ծ է։
«Բոլորը գիտեն, հարցը բավական երկար քննարկվել է», – ներկայացրեց Դավիթ Լոքյանը