Երեկ՝ նոյեմբերի 22-ին, վիճաբանություն-ծեծկռտուք է տեղի ունեցել Արագածոտնի մարզում։ Կեսօրին Ապարանի բժշկական կենտրոն է տեղափոխվել Ապարան քաղաքի բնակիչ՝ 14-ամյա Սամվել Ա.-ն։
Shamshyan.com-ի փոխանցմամբ, բժիշկները նրա մոտ ախտորոշել են փակ գանգուղեղային տրավմա՝ գանգուղեղի ցնցում՝ հարցականով։
Հիվանդանց մեկնած ոստիկանները պարզել են, որ Սամվել Ա.-ն սովորում է Ապարանի Փ. Ոսկանյանի անվան թիվ 2 միջնակարգ դպրոցի 9-րդ դասարանում, դպրոցի դասասենյակներից մեկում նրա եւ նույն դպրոցի 8-րդ դասարանի աշակերտ, 13-ամյա Հրաչյա Ե.-ի միջեւ վիճաբանություն է տեղի ունեցել, որի ժամանակ էլ վերջինս բռունցքներով հարվածել է Սամվել Ա.-ին։
