Բաղրամյան 26 հասցեում գտնվող նախագահական նստավայրը, որը շուտով վերածվելու է վարչապետի նստավայրի, վերանորոգվում է: «Հայկական ժամանակին» հայտնի է դարձել, որ նախագահականի աշխատակազմը նախորդ շաբաթ վերանորոգման աշխատանքներ կատարելու պայմանագիր է կնքել «Քեյր Բիլդինգ Սերվիզիս» ՍՊԸ-ի հետ:
Կայքի լրագրողը պարզել է նաեւ, որ բացի վերանորոգման աշխատանքներից, նախագահի աշխատակազմը հունվարի 30-ին էլ ախտահանման ծառայություններ մատուցելու պայմանագիր է կնքել «Երեւանի կանխարգելիչ ախտահանում» ՓԲԸ-ի հետ: Պայմանագրում մանրակրիտ նկարագրված է, թե ինչպես պետք է նախագահականում պայքարեն կրծողների դեմ: