«Ընթերցողների թիվը Հայաստանում ավելացել է: Եթե նախկինում գրողները նվիրում էին իրենց գրքերը, ապա այժմ այդպես չէ: Գրականությունը դարձավ պահանջված: Ցավոք, սպառողական դաշտը տարիների ընթացքում նույնն է մնում: Երբ ինտելեկտուալ, կարդացած մարդը կդառնա պահանջված, գրականության նկատմամբ հետաքրքրությունը կավելանա»,-ասում է գրականագետ Հասմիկ Հակոբյանը:
«Զանգակ» հրատարակչության թարգմանչական բաժնի պատասխանատու, բանաստեղծ, թարգմանիչ Արթուր Մեսրոպյանն էլ կարևորում է դպրոցների դերը.
«Բացթողումները շատ են դպրոցներում: Գրականությունը մնացել է 1990-ական թվականների վիճակով: Դասագրքերը գրեթե չեն թարմացվում: Նոր անուններ, ստեղծագործություններ քիչ են ընդգրկվում: Աշակերտների մոտ այն տպավորությունն է, որ գրողը պետք է լինի մեռած: Կենդանի գրողի նրանք չեն պատկերացնում»-ընդգծեց Արթուր Մեսրոպյանը:
Անի Կարապետյան
