Հայաստանում մի շարք գետեր աղտոտված են: Դրանք են՝ Փամբակը, Դեբեդը, Ախթալան, Շնողը, Կարկաչունը, Գեղարոտը, Հրազդանը, Մասրիկը, Մարմարիկը, Գետառը, Կարճևանը, Ողջին, Արծվանիկը, Գորիսը:
«Այս գետերն ունեն հինգերորդ դասի աղտոտվածություն: Դեբեդը, Ախթալան, Շնողը, Ողջին, Կարճևանը կրում են հանքարդյունաբերության ազդեցությունը, հիմնականում ծանր մետաղներով են աղտոտված: Մյուս աղտոտվածությունը պայմանավորված է մաքրման կայանների բացակայությամբ: Հանգստյան տները, ռեստորանները չունեն մաքրման կայաններ ու ամբողջ կեղտաջրերը թափվում են գետեր, որոնց ափին հանգստանում ենք, լողում են մեր երեխաները:
10 տարի է ՝ հետևում ենք Հրազդան գետի վիճակին: Մեկ անգամ է արտահոսքը բացահայտվել ու կանխվել»,-լրագրողների հետ հանդիպման ժամանակ ասաց փորձագետ Վիկտորյա Բուռնազյանը:
Անի Կարապետյան